चरिकोट । दोलखाको बिगु गाउँपालिकामा नीजि नम्बर प्लेटको बोलेरो दुर्घटना हुँदा ९ जना घाइते भएका छन । सिंगटीबाट लादुक तर्फ जाँदै गरेको बोलेरो आज दिउँसो विगु गाँउपालिका वडा नम्बर ४ लादुकको कच्ची सडकमा दुर्घटना भएको हो। दुर्घटनामा दोलखा विगु गाँउपालिका वडा नम्बर ३ बुलुङका १७ बर्षिय गिता श्रेष्ठ, ४६ बर्षिय मिनबहादुर तमाङ, ३० बर्षिय सुभद्रा श्रेष्ठ, २ बर्षिय बालक अरुण श्रेष्ठ, २२ बर्षिय गोमा श्रेष्ठ, २० महिनाको बालक रिदम श्रेष्ठ, ३८ बर्षिय पुष्कर खत्री, ३६ बर्षिय अमृत श्रेष्ठ र चालक २६ बर्षिय सविन श्रेष्ठ घाईते भएको प्रहरीले जनाएको छ। घाईते मध्य १७ बर्षिय गिता श्रेष्ठको टाउकोमा गम्भीर चोट लागेको र अन्यको अवस्था सामान्य रहेको इलाका प्रहरी कार्यालय सिंगटीले जनाएको छ। यात्रु लिएर लादुक जाँदै गरेको ना ११ च ७९३४ नम्बरको उक्त बोलेर घुम्तीमा अचानक अनियन्त्रीत भै सडकबाट २० मीटर तल खसेर दुर्घटना भएको प्रहरीको भनाई छ।
लादुकमा बोलेरो दुर्घटना: नौँ जना घाईते
![](https://www.dikshannews.com/wp-content/uploads/2018/06/20180607_203847-696x444-696x437.png)
Be the first to comment on "लादुकमा बोलेरो दुर्घटना: नौँ जना घाईते"