दोलखा: पत्रकार राजकुमार भुजेललाई सहकारी पत्रकारिता पुरस्कार प्रदान गरिएको छ। शनिबार सदरमुकाम चरिकोटमा अभियान बचत तथा ऋण सहकारीको छैठौं वार्षिक साधारणसभामा दोलखाका सक्रिय पत्रकार भुजेललाई पत्रकारितामा समाजमा पुर्याएको प्रत्यक्ष र परोक्ष योगदानको कदर गर्दै नगद सहित पुरस्कृत गरिएको हो।
सहकारी संस्थाका कर्मचारी सकिला उप्रेतीलाई पनि उत्कृष्ट कर्मचारी पुरस्कारबाट सम्मानित गरिएको थियो।
सहकारीले हरेक वर्ष एकजना सञ्चारकर्मीलाई सम्मान गर्दै आएको छ। सो अवसरमा सभाका प्रमुख अतिथि, जिल्ला सहकारी संघ दोलखाका वरिष्ठ उपाध्यक्ष कृष्णप्रसाद दाहालले पत्रकार भुजेललाई सम्मानपत्र हस्तान्तरण गरे।
पत्रकार भुजेल झण्डै ४/५ वर्षदेखि जिल्लाभरिका विभिन्न राजनीतिक, शैक्षिक, सामाजिक लगायतका क्षेत्रमा कलम चलाउँदै आएका छन्। हाल उनी हेर्दा हेर्दै डटकम र मध्यान्ह राष्ट्रिय दैनिकमा आवद्ध छन्।
कार्यक्रमको अध्यक्षता अभियान साकोसका अध्यक्ष राजन बस्नेतले गरेका थिए।
Be the first to comment on "पत्रकार राजकुमार भुजेललाई सहकारी पत्रकारिता पुरस्कार प्रदान"