काँग्रेसका मनकारी नेता लामाद्वारा दोलखामा फेरी दुई वटा एम्बुलेन्स हस्तान्तरण

चरिकोट(दीस)ः नेपाली काँग्रेसका केन्द्रीय सदस्य जिपछिरिङ लामाले दोलखाका दुई स्वास्थ्य चौकीहरुलाई एम्बुलेन्स हस्तान्तरण गर्नु भएको छ । लामाले विगु गाउँपालिका तथा भीमेश्वर नगरपालिकाको एक–एक स्वास्थ्य चौकीलाई मंगलवार सो एम्बुलेन्सहरु हस्तान्तरण गर्नु भएको हो ।
मंगलवार नेता लामाले भीमेश्वर नगरपालिका वडा नम्बर आठको बोच स्वास्थ्य चौकी तथा विगु गाउँपालिका वडा नम्बर एकमा रहेको गोंगर स्वास्थ्य चौकीलाई एक–एक थान सुविधा सम्पन्न एम्बुलेन्स हस्तान्तरण गर्नु भएको भीमेश्वर नगरपालिका वडा नम्बर आठका वडाध्यक्ष काजि बुढाथोकीले जानकारी दिनुभयो ।