कृषक समूहलाई किवीका विरुवा वितरण

चरिकोट(दीस)ः गौरीशंकर गाउँपालिका वडा नम्बर नौ का कृषक सहकारी समूहका कृषकहरुलाई किवी फलको विरुवा हस्तान्तरण गरिएको छ । वडा मा कार्यरत हिमचुली कृषक समूह तथा जि छिरिङमा पशु तथा कृषक समूहलाई किवीका विरुवा वितरण गरिएको हो ।
गौरिशंकर गाउपालिका तथा वडाको स्वीकृत वार्षिक कार्यक्रम अनुसार वडा भित्रका हिमचुली तथा जि छिरिङ पशु तथा कृषक समूहमा आवद्ध कृषकहरुलाई हालै किवी फलका विरुवा वितरण गरिएको वडा नम्बर नौ का वडाध्यक्ष ङिमागेली शेर्पाले जानकारी दिनुभयो । कृषकहरुलाई हेवाड जातका किवी फलका विरुवा वितरण गरिएको वडाध्यक्ष शेर्पाको भनाई रहेको छ ।