मासआर्ट माउन्टेन बाइकरेस प्रतियोगिता मंगलबारबाट

चरिकोट(दीस)ः नेपालमैं पहिलोपटक अन्तराष्ट्रिय मासआर्ट माउनटेन बाईक रेस प्रतियोगिता हुने भएको छ । मंगलवारबाट सो प्रतियोगिता सुरु हुने भएको हो ।
कालिञ्चोक गाउँपालिकाको कालिञ्चोक बाट भीमेश्वर नगरपालिका वडा नम्बर दुईको फुलापा सम्म करिब २६ किलोमिटरमा सो रेस हुने भएको आईतवार पत्रकार सम्मेलन गरी जानकारी दिइएको छ । प्रतियोगितामा नेपाल सहित १६ देशका खेलाडीले भाग लिने छन् । खेलमा नेपाल सहितका ९० जना खेलाडीको सहभागिता रहने यति वरिजिनल प्रालिका स्यान्टोस श्रेष्ठले जानकारी दिनुभयो । प्रतियोगिताको लागि भीमेश्वर नगरपालिका,पर्यटन बोर्ड लगायतले सहयोग गरेका बताइएको छ ।यस प्रतियोगिताले दोलखाको पर्यटन विकासमा सहगोग पुग्ने भीमेश्वर नगरपालिकाका नगर प्रमुख ईश्वर नारायण मानन्धरले बताउनु भयो ।