छात्राहरुलाई स्टेशनरी वितरण

चरिकोट(दीस)ः सदरमुकाम चरिकोटमा रहेको पशुपति कन्या मन्दिर विद्यालयका छात्रहरुलाई दिपशिखा धितोपत्र कारोवार कम्पनीले स्टेशनरी सामग्री वितरण गरेको छ । कम्पनीले शुक्रवार एक कार्यक्रमका विच विद्यालयमा स्टेशनरी सामग्री वितरण ग रेको हो ।
कम्पनीको चरिकोट शाखाले समाजिक उत्तरदायित्व कोष अन्तर्गत विद्यालयका छात्राहरुलाई अभ्यास पुस्तिका वितरण गरेको चरिकोट शाखाका प्रमुख सुजन पाठकले जानकारी दिनुभयो । जिल्ला भित्रको एक मात्र सरकारी छात्रा विद्यालय रहेकोले पशुपति कन्या मन्दिर माध्यमिक विद्यालयका विद्यार्थीहरुलाई सहयोग गरिएको पाठकको भनाई रहेको छ । कार्यक्रममा विद्यालयका प्रधानाध्यापक गोविन्द नारायण मानन्धर तथा विद्यालयका शिक्षकहरुको उपस्थिति थियो ।