दोलखा प्रदेश सभा क्षेत्र नम्बर एकमा कुन्दनराज काफ्ले विजयी

चरिकोट (दीस) – दोलखा प्रदेश सभा क्षेत्र नम्बर एकमा नेपाली कांगे्रसका केन्द्रीय सदस्य कुन्दन राज काफ्ले विजयी हुनु भएको छ । मुख्य निर्वाचन अधिकृतको कार्यालय दोलखाका अनुसार काफ्लेले २२ हजार ७ सय ९७ मत पाउनु भएको छ । उहाँका निकटतम प्रतिद्वन्दी एमाले दोलखाका अध्यक्ष नरबहादुर श्रेष्ठले १४ हजार ७ सय ५५ मत प्रात्त गर्नु भएको थियो । काफ्ले ८ हजार २२ बढी मत ल्याएर प्रदेशसभा सदस्यमा निर्वाचित हुनु भएको थियो ।