दोलखामा करेन्ट लागि बालिका गम्भिर घाइते, हेलिकप्टरमार्फत काठमाडौँ रिफर

दीक्षण समाचार
चरिकोट, बैशाख २८
दोलखाको गौरीशंकर गाउँपालिका वडा नं. ५ मा एक बालिका करेन्ट लागेर गम्भिर घाइते हुनुभएको छ । घर नजिकै टुम्ना जङ्गलमा बाख्रा चराउन गएका बेला १४ वर्षिया सोनी श्रेष्ठ करेन्ट लागेर गम्भिर घाइते हुनुभएको हो । बाख्रा चराउन जानुभएका श्रेष्ठ करेन्ट लागी बेहोस अवस्थामा फेला परेपछि उद्धार गरी विगु अस्पतालमा सामान्य उपचार गरिएको र हेलिकोप्टर मार्फत काठमाडौँ रिफर गरिएको प्रहरीले जनाएको छ । विद्युतको पोलबाट खसेको तारबाट करेन्ट लागेको भनिएपनि थप अनुसन्धानपछि कारण थाहा हुने इलाका प्रहरी कार्यालय सिंगटीका प्रहरी निरीक्षक सानु सानु तमाङले जानकारी दिनुभयो । बालिका जनक श्रेष्ठकी छोरी हुनुहुन्छ ।