दोलखामा जिप दुर्घटना हुँदा दुई प्रहरी गम्भिर घाइते

ईश्वर बिश्वकर्मा
चरिकोट, चैत्र १३
जिरी बजार अनुगमन गरी चरिकाेट अाउने क्रममा घरेलु तथा साना उद्योग कार्यालय दोलखाको जिप शनिबार साँझ दुर्घटनामा परेको छ ।  बागमती प्रदेश ९६८० नम्बरको जिप बैतेश्वर गाउँपालिका वडा नं. ६ नाम्दुको च्यानडाँडामा बे्रक फेल हुँदा दुर्घटनामा परेको हो । बे्रक फेल भएको जिपलाई चालकले भित्तातर्फ लगेर ठूलो क्षतिबाट जोगाउन सफल भएपनि दुई जना प्रहरी  भने गम्भिर घाइते हुनुभएकाे जिल्ला प्रहरी कार्यालय दोलखाका प्रवक्ता, प्रहरी निरीक्षक अञ्जन कोइरालाले बताउनुभयो । उहाँका अनुसार दुर्घटना परी जिपमा सवार दोलखाका सहायक प्रमुख जिल्ला अधिकारी दीपक कोइराला दम्पती, प्रहरी निरीक्षक दिवस बस्नेत र प्रहरी नायब निरीक्षक नारायण ढकाल घाइते हुनुभएको छ । घाइते चार जना मध्ये बस्नेत र ढकाललाई भने गम्भिर चोट लागेकोले शनिबारै काठमाडौँ पठाइएको र उहाँहरुको प्रहरी अस्पतालमा उपचार भईरहेको छ । उहाँहरुलाई टाउको र हातमा गम्भिर चोट लागेको थियो । सहायक प्र.जि.अ कोइराला दम्पतीलाई भने गम्भिर समस्या नभएपनि थप उपचारका लागि काठमाडौँ जानुभएको प्रहरी निरीक्षक कोइरालाले बताउनुभयो । दुर्घटना परेका घरेलु कार्यालयका प्रमुख मिन बहादुर तामाङ र चालक सकुशल हुनुहुन्छ ।