गैरीमुदीमा बोलेरो दुर्घटना

दीक्षण समाचार
चरीकोट, फागुन १७
दोलखाको बैतेश्वर गाउँपालिका वडा नम्बर–२ गैँरिमुदी माझगाउँमा मंगलबार बोलेरो गाडी दुर्घटना भएको छ । वडा नं. २ स्थित माझगाउँबाट मिर्गे लहरेमाने चोकतर्फ आइरहेको बा २० च ७२७४ नम्बरको बोलेरो गाडी पल्टिएर दुर्घटनामा परेकाे हो । दुर्घटनामा परी तीन जना सामान्य घाइते हुनभएको स्थानीय किरण तामाङले जानकारी दिनुभयाे। घाइते हुनेमा दिपक मोक्तान, आले तामाङ र बिरफल तामाङ रहनुभएको छ । उहाँहरु तीनै जनालाई उपचारको लागि मैनापोखरीमा अवस्थित बैतेश्वर अस्पताल पठाइएको छ ।