सभापतिमा दहाल बिजयी

चरिकोट (दीस)–नेपाली कांग्रेस दोलखाको १४औँ महाधिवेशन अन्तर्गत दोलखाको क्षेत्र नं २ को क्षेत्रिय अधिवेशनमा भएको निर्वाचनमा क्षेत्र नं २ को सभापतिमा चित्र प्रसाद दहाल विजयी हुनु भएको छ । विहिबार भएको निर्वाचनमा उहाँले २ सय ५८ मत प्राप्त गरी बिजयी हुनु भएको हो । निर्वाचनमा विराजमान श्रेष्ठ १ सय २३ ,नउस खडका १सय २३ र श्यामराज खडकाले ९६ मत प्राप्त गर्नु भएको थियो । निर्वाचनमा २ उपसभापतिमा बिकास खडका र हरीहर भण्डारी विजयी हुनु भएको छ । खडकाले ३ सय ३८ र भण्डारी ३ सय १६ मत प्राप्त गर्नु भएको थियो राजकुमार थापाले ३ सय ५ र हिरालाल श्रेष्ठले २ सय ५९ मत प्राप्त गरेको निर्वाचन समितिले जनाएको छ । त्यसैगरी प्रदेश प्रतिनिधीमा चित्र कार्की ,युधिष्ठीर खडका, दावादोर्जे लामा ,लोक शंकर चौगागाई , सुरेश गौतम , निम्तो शेर्पा , नारायण ठकुरी , रामशरण दहाल र कमला खाती बिजयी भएको निर्वाचन समितिले जनाएको छ ।