विगु गाउँपालिकामा एक जना कोरोना संक्रमितको ज्यान गयो

चरिकोट(दीस) – दोलखाको विगु गाउँपालिकामा बुधबार(हिजो) एक जना कोरोना संक्रमितको ज्यान गएको छ । विगु गाउँपालिका वडा नम्बर ४ ताइलाङका एक पुरुषको संक्रमणले ज्यान गएको हो । उनी होम आईसोलेशनमा थिए । जिल्ला स्वास्थ्य कार्यालय दोलखाका अनुसार स्वास्थ्यमा समस्या आएपछि उनको पिसिआर परिक्षण गरिएको थियो । चरिकोट अस्पतालमा स्वाव दिएर होम आइसोलेशनमा वसेको केहि दिनपछि उनको मृत्यु भएको हो । उनको बुधवार मृत्यु भएको स्वास्थ्य कार्यालयले पुष्टि गरेको छ ।उनको पीसीआर रिपोर्ट मृत्यु पछि आएको हो । ती पुरुषको शवलाई नेपाली सेनाले व्यवस्थापन गरेको छ ।