लामबगर– लप्ची सुरुङ मार्गको माघमा टेन्डर हुन्छ

चरिकोट (दीस) –नेपाल सरकारका सञ्चार तथा सूचना प्रविधि मन्त्री पार्बत गुरुङले उत्तरी तथा दक्षिण जोड्ने राष्ट्रिय महत्वको लामबगर लप्ची सडकमार्ग अन्र्तगत सुरुङ मार्गको माघमा टेन्डर हुने बताउनु भएको छ । आज दोलखाको सदरमुकाम चरिकोटमा भीमेश्वर नगरपालिकाले प्रकाशन गरेको “बृहत नगर योजना २०७७” पुस्तकको बिमोचन गर्दै मन्त्री गुरुङले सो बताउनु भएको छ । दोलखालाई समृद्ध दोलखा बनाउने अभियान यो सुरुङ मार्ग नेपालको पहिलो हुने उहाँले बताउनु भयो । “यो मार्ग ठेक्का माघ महिनामा हुन्छ ,यसको डिजाइन सकिएको छ ” मन्त्री गुरुङले भन्नु भयो । तामाकोसी जलबिद्युत आयोजनामा केही ढिलाई भएको यस आयोजनालाई यो आर्थिक बर्ष भित्र राष्ट्रिय प्रशारण लाइनमा जोड्ने काममा सरकार प्रतिबद्ध रहेको पनि उहाँले बताउनु भयो । भोली तामाकोसी जलबिद्युत आयोजनामा हुने सार्बजनिक सुनुवाई कार्यक्रममा सहभागि हुने उहाँको भनाई रहेको छ । खरी ढुङगामा रहेको माग्नेसाइडको छिटै संन्चालन हुने र त्यसको व्यबस्थापन समितिको अध्यक्षको सरकारले छिटै नियुक्ति गर्ने पनि मन्त्री गुरुङले जानकारी दिनु भयो । यो आर्थिक बर्षमा दोलखामा रहेको फिल्मसिटी निर्माण गर्न सरकारले योजना ल्याउने उहाँले बताउनु भयो ।
मन्त्री गुरुङद्धारा आधुनिक रङगशालाको शिल्यान्यास
भीमेश्वर नगरपालिकाको चरिकोटमा बन्दै गरेको आधुनिक रङगशालाको आज मन्त्री गुरुङले शिल्यान्यास गर्नु भएको छ । भीमेश्वर नगरपालिकाको आफ्नै स्रोतबाट निर्माणाधीन टुँडिखेल आयोजनालाई नगरपालिकाले आफ्नो गौरवकै योजनाको रूपमा अघि बढाएको छ । ११० मिटर लम्बाइ र ६५ मिटर चौडाइको टुँडिखेल विस्तारको काम भइरहेको छ । नगरपालिकाले गत आर्थिक वर्षको अन्तमा टुँडिखेल विस्तारका लागि ठेक्का आह्वान गरेको थियो । किराँतेश्वर–सिमपानी जेभीले २४ महिनामा पूरा गर्ने गरी २०७७ साउन २५ बाट सम्झौता गरी काम सुरु गरेको छ । अहिले दक्षिणतिरको ११० मिटर लम्बाइको जग खनेर भवन निर्माणको काम सुरु गरेको छ ।
भीमेश्वर नगरपालिकाका योजना तथा पूर्वाधार शाखा प्रमुख इन्जिनियर सुरेश राउतका अनुसार पहिलो चरणमा दक्षिण र पूर्वतिरको २ तले भवनसहितको अत्याधुनिक आरसीसी प्याराफिट निर्माण हुने जानकारी दिनु भयो । टुँडिखेल विस्तार तथा निर्माणका लागि २० करोड लागत अनुमान गरेकोमा पहिलो चरणमा १२ करोडमा काम सुरु भएको उनले बताए । पहिलो चरणको काम २०७९ असारमा काम पूरा हुन्छ ।