दोलखामा आज थप १० जनामा कोरोना संक्रमण

चरिकोट(दीस) –दोलखामा आज थप १० जनामा कोरोना संक्रमण भएको छ । कात्तिक २२ गते भीमेश्वर नगरपालिका स्थित प्राथमिक स्वास्थ्य केन्द्रबाट स्वाब संकलन गरी पठाईएका मध्ये १० जनाको पीसीआर रिपोर्ट पोजेटिभ आएको हो । पीएचसीबाट २३ जनाको स्वाब पीसीआर परीक्षणका लागि धुलिखेल अस्पताल पठाईएको थियो । कोरोना संक्रमण पुष्टि हुनेमा ४ जना पुरुष र ६ जना महिला रहेको जिल्ला स्वास्थ्य कार्यालयले जनाएको छ ।

दोलखामा शनिवार मात्रै २९ जनामा कोरोना संक्रमण पुष्टि भएको थियो । पछिल्लो समय दोलखामा लगातार संक्रमण दर उच्च बन्दै गएको छ । दोलखामा संक्रमण समुदाय स्तरमा तिब्र गतिमा फैलिएको छ