दोलखाको जिरीमा गोरुले एक वृद्धको ज्यान लियो

चरिकोट (दीस) –दोलखाको जिरी नगरपालिकामा गोरुले एक वृद्धको ज्यान लिएको छ । जिरी नगरपालिका वडा नम्बर २ स्थित एलुङमा आफैले पालेको गोरुले हान्दा ७२ वर्षीय रिन्जि शेर्पाको ज्यान गएको हो । बिहिबार साँझ गोठमा घाँस हाल्न गएका शेर्पालाई गोरुले हानेर गम्भीर घाईते बनाएको थियो । गम्भीर घाईते ती वृद्धलाई उपचारका लागि जिरी अस्पताल ल्याईएको थियो । तर उपचार सम्भव नभएपछि काठमाडौं लैजाँदै गर्दा बाटोमै मृत्यु भएको दोलखाका प्रहरी प्रवक्ता, प्रहरी निरीक्षक अञ्जन कोइरालाले जानकारी दिए ।मृतक शेर्पाको शव हाल पोष्टमार्टमका लागि जिरी अस्पतालमा राखिएको प्रहरीले जनाएको छ ।