दोलखामा आज थप जनामा ४ मा कोरोना संक्रमण

चरिकोट (दीस)–दोलखामा आज थप जनामा ४ मा कोरोना संक्रमण भएको छ । आज जिल्लाको गौरीशंकर गाउँपालिकामा ३ जना र कालिन्चोक गाउँपालिकामा एक जनामा संक्रमण भएको हो । गौरीशंकर गाउँपालिकामा २ जना पुरुष र १ जना महिला गरि जम्मा ३ जनाको पीसीआर रिपोर्ट पोजिटिभ आएको स्वास्थ्य कार्यालय दोलखाका प्रमुख बिभु कुमार झाले जानकारी दिए । पालिकाका १ सय ३ जनामा गरिएकाे टेष्टमा सय जनाको रिपोर्ट भने नेगेटिभ आएको उनले बताए । कालिन्चोक गाउँपालिकाका ६० जनामा गरिएको पीसीआर टेष्ट रिपोर्टमा एक जनालाई कोरोना संक्रमण देखिएको गाउँपालिकाका प्रमुख प्रशासकिय अधिकृत नबराज ओलीले जानकारी दिए ।संक्रमित महिला रहेको बताइएको छ । ५९ जनाको भने रिपोर्ट नेगेटिभ आएको पनि उनले जानकारी दिए ।भिमेश्वर नगरपालिकाका ३७ जनाको रिपोर्ट भने नेगेटिभ आएको स्वास्थ्य कार्यालय दोलखाले बताएको छ ।