लामाबगर – लाप्ची सडक खण्डमा निर्माण कार्यका लागि ठेक्का व्यवस्थापन हुन्छ– मन्त्री गुरुङ

चरिकोट (दीक्षण समाचार ) –नेपाल सरकारका महिला, बालवालिका तथा ज्येष्ठ नागरिकमन्त्री पार्वत गुरुङले उत्तर दक्षिण राष्ट्रिय राजमार्गको तामाकोशी कोरिडरको लामाबगर – लाप्ची सडक खण्डमा पर्ने सुरुङ मार्गको विस्तृत अध्ययन गरी निर्माण कार्यका लागि ठेक्का व्यवस्थापन हुने बताएका छन् । उनले यो आर्थिक बर्षमा नेपाल सरकारको कार्यक्रम र बजेटमा सडक खण्डमा पहिलो पटक समावेश भएको बताएका छन् । समृद्ध दोलखा सुखी दोलखाली“को प्रतिबद्धता अनुसार दोलखाको गौरव र राष्ट्रिय गौरवका आयोजनाहरु संचालन हुने मन्त्री गुरुङले बताएका छन् । कोभिड १९ ले भौतिक पुर्वाधार विकासका योजनाहरुमा प्रभाव पारेपनि विगतदेखि चलिरहेका योजना र यस आर्थिक बर्षमा सुरु गरिएका नयाँ योजनाहरु बजेट कार्यक्रममा समावेश भएको उनको दाबी रहेको छ ।

मन्त्री गुरुङका अनुसार आर्थिक बर्ष २०७७/०७८ मा देहायको दोलखामा बजेट बिनियोजन हुने छ ।

“समृद्ध दोलखा सुखी दोलखाली”को प्रतिबद्धता अनुसार दोलखाको गौरव र राष्ट्रिय गौरवका आयोजनाहरु संचालन भइरहेका छन । कोभिड १९ ले भौतिक पुर्वाधार विकासका योजनाहरुमा प्रभाव पारेपनि विगतदेखि चलिरहेका योजना र यस आर्थिक बर्षमा सुरु गरिएका नयाँ योजनाहरु बजेट कार्यक्रममा समावेश भएका छन ।

१. NH 28 उत्तर दक्षिण राष्ट्रिय राजमार्गको तामाकोशी कोरिडरको लामाबगर – लाप्ची सडक खण्डमा पर्ने सुरुङ मार्गको विस्तृत अध्ययन गरी निर्माण कार्यका लागि ठेक्का व्यवस्थापन हुनेछ । नेपाल सरकारको कार्यक्रम र बजेटमा यो आयोजना पहिलो पटक समावेश भएको हो ।