दोलखा आउँदै गरेको बस रामेछापमा दुर्घटना

चरिकोट(दीस) – राजधानी काठमाडौंबाट अलपत्र परेका यात्रु बोकेर दोलखा आउँदै गरेको बस रामेछापमा दुर्घटना भएको छ। उक्त बस दुर्घटनामा परी एक दर्जन यात्रु घाइते भएको जिल्ला प्रहरी कार्यालय रामेछापले जनाएको छ ।दोलखाको जफेतर्फ आउँदै गरेको बा २ ख ६८१८ नम्बर मिनिबस बुधबार बिहान ४ बजे दुर्घटनामा हुँदा १५ जना घाइते भएको जिल्ला प्रहरी कार्यालय रामेछाप प्रहरीले बताएको छ ।

कार्यालयका अनुसार घाइते १५ जनामध्ये १४ जनाको उपचार पछि डिस्चार्ज भएका छन् । गम्भीर घाइतेमध्ये एकजना गिता खडकालाई काठमाडौंको ट्रमा सेन्टरमा रिफर गरिएको छ । उनको हातमा चोटको कारण थप उपचारको लागि रिफर गरिएको प्रहरी बताएको छ । मिनिबस सडकको भित्तामा दुर्घटना भएको थियो ।