दोलखामा विदेशबाट फर्किनेको संख्या करिब साँढे ३ सय

ईश्वर बिश्वकर्मा
चरिकोट, चैत्र २४
दोलखामा आइतबार साझँसम्म विदेशबाट फर्किएका ३४८ जना सम्पर्कमा आएका छन् ।
अधिकांश भारत, दुवई, कतार लगायतको कोरोना संक्रमित भएको देशबाट जिल्ला फर्किएका व्यक्तीहरु सम्पर्कमा आएका हुन् । तर जिल्लामा निर्माण गरिएका अधिकांश क्वारेन्टाइन खाली छन् । जिल्लाको ९ वटै स्थानीय तहको विभिन्न स्थानमा क्वारेन्टाइन भएपनि क्वारेन्टाइनमा काेही पनि नबसेको स्वास्थ्य कार्यालय दोलखाका प्रमुख विभुकुमार झाले बताए। विदेशबाट फर्किएका अधिकांश मानिस आफ्नै घरमा सुरक्षित बसिरहेको र स्थानीय स्वास्थ्यकर्मीहरुले निगरानी राखेको स्वास्थ्य कार्यालय प्रमखु झाले बताए ।