भीनपाको २४ औँ स्थापना दिवस ः समृद्धिको सपना साकार हुनेमा विश्वास

ईश्वर बिश्वकर्मा
चरिकोट, माघ ११
दोलखाको प्राचिन नगरपालिका भीमेश्वर नगरपालिकाकाे २४ औँ स्थापना दिवस शनिबार मनाइएको छ ।
दिवस समारोहको उद्धघाटन नगरप्रमुख भरत बहादुर केसीले केक काटेर गरे । उनले जनप्रतिनिधी भएको पहिलो वर्ष मैँ नगरपालिकाको पाश्र्वचित्र निर्माण गरि विकासको मार्ग पहिल्याएको कारण समृद्धिको सपना साकार हुनेमा विस्वास रहेको बताए ।
उनले भीमेश्वर नगरपालिकाले विभिन्न भौतिक निर्माण लगायतको काममा अघि बढेको र पहुँच नभएकालाई पहुँच दिलाउने काम सतप्रतिशत नभए पनि प्रयास गरिएको बताए ।
उनले समृद्धिको सपना एक पार्टि वा दलको मात्र नभई सबैको सपना भएकाले समृद्धिको लागि नागरिक स्तरबाट पनि उतिकै सहयोग भएपनि लक्ष्य अनुरुप काम गर्न नसकिएको स्विकार गरे ।
स्थापना दिवस समारोहमा उपप्रमुख कमला बस्नेतले भीमेश्वरको समृद्धिको अभियानमा नागरिकको चाहनालाई पुरा गर्न जनप्रतिनिधीहरु तत्पर रहेको बताइन् ।
समारोहमा नगरका प्रमुख प्रशासकिय अधिकृत तथा सष्ट्रा मान बहादुर खड्काले कविता प्रस्तुत गरेका थिए । समारोहमा प्रमुख जिल्ला अधिकारी भीम कान्त शर्मा, दोलखा उद्योग बाणिज्य संघका अध्यक्ष इन्द्र श्रेष्ठ लगायतले शुभकामना मन्तव्य राखेका थिए ।