सिन्धुपाल्चोक बस दुर्घटनाः यी हुन् ४९ घाइते, ४७ जनाको धूलिखेल अस्पतालमा उपचार हुँदै (नामावली)

काभ्रे।सिन्धुपाल्चोकको सुकुटेमा भएको बस दुर्घटनामा घाइते भएका ५० मध्ये ४७ जनाको धूलिखेल अस्पतालमा उपचार भइरहेको छ।

यस्तै ५२ वर्षीय चेतकुमारी बस्नेतको भने उपचारकाे क्रममा मृत्यु भएकाे अस्पतालले जनाएकाे छ । उनकाे ठेगाना खुल्न सकेकाे छैन ।

यसैगरी दुई जनालाई बनेपास्थित सिर मेमोरियल अस्पतालमा रिफर गरिएको छ ।

दोलखाको मागादेउरालीबाट काठमाडौं आइरहेको शैलुंगेश्वरी यातायातको बा २ ख ७२४५ नम्बरकाे यात्रुबाहक बस चौतारा साँगाचोकगढी नगरपालिका-९ सुकुटेमा दुर्घटना हुँदा १४जनाको मृत्यु भएको छ ।दोलखाको शैलुङ गाउँपालिका स्थित मागादेउरालीबाट काठमाडौं तर्फ जाँदै गरेकोे बा २ ख ७२४५ नम्बरको यात्रुबाहक बस सुनकोशी नदीमा खसेको थियो । चौतारा साँगाचोकगढी नगरपालिका–९ सुकेटे स्थित अरनीको राजमार्गमा भएको दुर्घटनामा थुप्रै यात्रुको ज्यान गएको हुन सक्ने प्रहरीको अनुमान छ ।
शैलुङ्गेश्वरी यातायातको बस दिउँसो एक बजे नदीमा खसेको थियो ।
सिन्धुपाल्चोकका प्रहरी नायब उपरिक्षक माधव काफ्लेका अनुसार उद्धारको काम भैरहेकाले घटनाको विस्तृत विवरण आउन बाँकी रहेको छ । बस कसरी दर्घटना भयो भन्ने पनि अनुमान गर्न नसकिएको प्रहरी नायब उपरिक्षक काफ्लेले जनाएका छन् । उनका अनुसार उद्धार गरिएका ३५ जनालाई धुलिखेल अस्पताल लगिएको छ भने १ जनाको खाडिचउरस्थित स्थानीय अस्पतालमा उपचार भैरहेको छ ।