भवन निर्माणका लागि कालिञ्चोकको सहयोग

दोलखा । स्थापना दिवसको अवसर पारेर कालिञ्चोक सहकारी संस्था लिमिटेड चरिकोट दोलखाले नेपाल पत्रकार महासंघको भवन निर्माणका लागि दश हजार रुपैयाँ सहयोग प्रदान गरेको छ । आफ्नो ४२औं स्थापना दिवसको अवसर पारी शुक्रबार दोलखा सदरमुकाम चरिकोट आयोजित एक कार्यक्रमका विच सहकारी संस्थाका अध्यक्ष राजेश उप्रेतीले नेपाल पत्रकार महासंघ दोलखाका अध्यक्ष जीवन लामालाई रकम हस्तान्तरण गरे । स्थापना दिवसको अबसरमा भवन निर्माणलाई सहयोग गरेको उप्रेतीले बताए । सहकारी दोलखाको पुरानो सहकारी हो ।
दोलखा सदरमुकाम चरिकोटमा नेपाल पत्रकार महासंघ, दोलखा शाखाले सूचना केन्द्र सहितको अत्याधुनिक भवन निर्माण गर्न सुरु गरे सँगै विभिन्न निकायबाट सहयोग प्राप्त हुने क्रम जारी रहेको महासंघ दोलखाका अध्यक्ष जीवन लामाले बताए । त्यसैगरी शनिबार प्रेम –पुर्ण प्रताप फाउन्डेसनले भवन निर्माणको लागि दश हजार सहयोग गरेको छ । महासंघको भवन निर्माणका लागि गाउँपालिका, नगरपालिका देखी पत्रकार, समाजसेवी, विभिन्न उद्योगी व्यवसायी, संघ संस्था र निकायहरुले सहयोग गर्दै आएको महासंघले जनाएको छ । महासंघले भवन निर्माणका लागि आर्थिक संकलन जुुटाउँन विभिन्न अभियान समेत सञ्चालन गर्दै आएको छ । भवन निर्माण सम्पन्न गरी टिट्टै कार्यालय सञ्चालन गर्ने महासंघको योजना रहेको छ ।