वार्षिकोत्सबको अबसरमा संयुक्त गजल बिमोचन सम्पन्न

मधुवन-गोधुलिको साथी साहित्य परिवारले आफ्नो तेस्रो वार्षिकोत्सबको अबसरमा संयुक्त गजल बिमोचन कार्यक्रम सम्पन्न गरेको छ। डिल्लीरमण पुस्तकालयको हल लाजिम्पाटमा दिउसो १:३० बजे बाट शुरु भएको कार्यक्रममा आँचल कुमार शर्माको सभापतित्व र प्रमुख अतिथी डा.घनश्याम “परिश्रमी” ले पानसमा बत्ती बालेर कार्यक्रम उद्घाटन गररेका थिए भने मंचमा अन्य विशिष्ट अतिथी,अतिथीहरु पनि आसिन थिए। सोही अबसरमा साहित्य क्षेत्रका दुई हस्तिहरु छवि “बैरागी” घिमिरे र पुष्प अधिकारी “अन्जली” लाई संस्थाको तर्फबाट सम्मान गरिएको थियो।संस्थाका अध्यक्ष गणेश बाबु अधिकारी कामको शिलसिलामा बाहिर रहेकाले अडियो रेकर्ड मार्फत कार्यक्रमलाई संबोधन गरेका थिए।साहित्य बिधामा कलम चलाएर विभिन्न क्षेत्रमा रहदै आएका २३ जाना गजलकारहरु बाट सँकलन गरि प्रकाशनमा ल्याइएको उक्त गजल संग्रह सबै क्षेत्र र बिषयबस्तु लाई समेटेर तयार पारिएको संयुक्त गजल संग्रह मध्यका एक सदस्य बासु सापकोटाले जानकारी दिए।