९० जना महिलालाई उद्यमी बनाउदैँ भीमेश्वर नगरपालिका

इश्वर बिश्वकर्मा –दोलखाको भीमेश्वर नगपालिकाले चालु आवमा ९० जना महिलालाई उद्यमी बनाउने भएको छ ।
९ वटा वडा रहेको पालिकामा प्रत्येक वडामा १०–१० जना गरि ९० जना महिलालाई उद्यमी बनाउने भएको हो ।
महिला उद्यमी विकास गर्न नगरपालिकाले विभिन्न तालिम सहित अनुदान लागि ५ लाख ४० हजार रुपैयाँ बजेट विनियोजन गरेको नगर उपप्रमुख कमला बस्नेतले बताइन् । महिलालाई सीप सिकाउदैँ उद्यमी बनाउने योजना अनुरुप नगरपालिकाले सिलाई बुनाइ, मोबाइल मर्मत, ढाका, खादा बुटिक, व्युटिपार्लर लगायतका तालिम प्रदान गरिने उनले बताइन् । उपप्रमुख बस्नेतका अनुसार महिलाको जन चाहना अनुसार तालिमको व्यवस्था गरिने उद्यमी बन्नको लागि प्रोत्साहन पनि गरिनेछ । आफुले कुन् उद्यम गर्दा उचित हुन्छ भन्ने कुरालाई मध्यनजर गरि सोही अनुसारको सीप तथा क्षमता अभिबृद्धि गरेर उद्यमबाट सोचेअनुरुप दिगो रुपमा आम्दानी लिन सकिन्छ । महिलालाई उद्यमी बनाउन सकेको खण्डमा नगरको सम्बृद्ध बन्ने लक्ष्य हासिल हुन सक्ने भएकोले नगरपालिकाले यसको निम्ति प्रतिबद्ध भएर लागि परेको नगर उपप्रमुख बस्नेतले बताइन् । “महिलाहरु आर्थिक रुपमा सक्षम हुनका लागि घरेलु तथा साना उद्योग सञ्चालन गर्नूपर्छ ।” उनले भनिन् “उद्योग सञ्चालन भएको खण्डमा नगरपालिकाले आयात होइन हरेको सामानको निर्यात गर्नेछ । जसले गर्दा नगरको विकासमा एक किसिमको आयाम थपिने छ ।“ महिलाहरु आर्थिक रुपमा सक्षम भएको खण्डमा महिला माथी हुने घरेलु हिंसा पनि न्युनिकरण हुने उनले जिकिर गरेकी छन्