सिंगटीमा रक्तदान कार्यक्रम सम्पन्न

दीक्षण समाचार
चरिकोट, चैत्र १८
दोलखाको उत्तरी क्षेत्रमा अवस्थित सिंगटी बजारमा मंगलबार रक्तदान कार्यक्रम सम्पन्न भएको छ । ६४ औँ राष्ट्रिय सहकारी दिवसको अवसरमा जिल्ला सहकारी संघ लिमिटेड दोलखाको आयोजना, नेपाल रेडक्रस सोसाइटी जिल्ला शाखा दोलखाको प्राविधिक सहयोग र विगु गाउँपालिकाको सहकार्यमा आयोजित रक्तदान कार्यक्रम सम्पन्न भएको हो । उक्त कार्यक्रममा ४२ जना व्यक्तिहरुले रक्तदान गरेको आयोजकले जनाएको छ । कार्यक्रममा जिल्ला सहकारी संघका अध्यक्ष हेमन्त चौलागाईँ र विगु गाउँपालिका अध्यक्ष युधिष्ठिर खड्काले मन्तव्य व्यक्त गरेका थिए ।