वडा कार्यालय भवन उद्घाटन

ईश्वर बिश्वकर्मा
चरीकोट, चैत्र ७
दोलखाको तामाकोशी गाउँपालिका वडा नं. ७ को वडा कार्यालय भवन उद्घाटन गरिएको छ । वडा कार्यालय सञ्चालनको लागि हाँबामा नयाँ भवन निर्माण सम्पन्न भएपछि पालिका अध्यक्ष ईश्वरचन्द्र पोखरेलले  उद्घाटन भएको हो । ५९ लाख ९२ हजार रुपैयाँ उपभोक्ता समिति मार्फत निर्माण भएको सुविधासम्पन्न भवनबाट सेवा प्रवाह सहज हुने भएको छ । दुई तल्लाको भवनमा वडाध्यक्षको कार्यकक्ष, कर्मचारी कक्ष, अन्य शाखासहितका लागि ८ वटा कोठा रहेको छ । आफ्नै वडा कार्यालय भवन अभावमा असहजतामा सञ्चालन भईरहेको वडाले आफ्नै भवन पाएपछि सेवा प्रवाह प्रभावकारी बनाउने अपेक्षा छ । स्थानीय तहको पहिलो निर्वाचनमा निर्वाचित जनप्रतिनिधिको कार्यकाल सकिन लाग्दा हाँबाको वडा कार्यालय भवन निर्माण भएको हो ।