लादुकमा ट्याक्टर दुर्घटनामा तीन घाइते, एकको अवस्था गम्भिर

दीक्षण समाचार
चरिकोट, माघ २३
दोलखाको विगु गाउँपालिका–४ लादुकमा ट्याक्टर दुर्घटना हुँदा तीन जना घाइते भएका छन् । सोमबार दिउँसो सिंगटी लादुक सडकखण्ड अन्तर्गत चित्रेस्थित रमिते गोलाईमा ट्याक्टर दुर्घटना हुँदा रामु नेपाली, जीवन नेपाली र किसान सार्की घाइते भएका हुन् । घाइते तीन मध्ये किसान सार्कीको अवस्था गम्भिर रहेको छ । घाइतेहरुलाई सिंगटी अस्पतालमा सामान्य उपचार गरी चरिकोट रिफर गरिएको वडाध्यक्ष रामचन्द्र खड्काले जानकारी दिए । सिंगटीबाट प्रहरीटोली घटनास्थल तर्फ जाँदै गरेको र प्रहरीको अनुसन्धानपछि विस्तृत जानकारी प्राप्त हुने बताइएको छ ।