म सधै शान्ति, स्थिरता र विकास चाहने मानिस हुँ ,म नीति र सिद्धान्तमा विश्वास गर्छु

पार्वत गुरुङ

बाम गठबन्धनको तर्फबाट दोलखाका प्रतिनिधिसभा सदस्यका उम्मेदवार

नेकपा एमालेका केन्द्रिय सदस्य पार्वत गुरुङ बाम गठबन्धनको तर्फबाट दोलखाका प्रतिनिधिसभा सदस्यका उम्मेदवार हुन् । नेकपा एमालेको जिल्ला कमिटी सदस्य, सचिवालय सदस्य, जिल्ला अध्यक्ष हुदै अहिले केन्द्रिय सदस्य रहनु भएका गुरुङ २०७० सालको संविधानसभा निर्वाचनमा दोलखा क्षेत्र नम्बर १ बाट विजयी भएका थिए । राजनीतिका चतुर खेलाडि गुरुङलाई समन्वयकारी नेताको रुपमा समेत हेर्ने गरिन्छ । तत्कालीन प्रधानमन्त्री एवं कांग्रेस सभापति शुसील कोईरालाको दोलखा भ्रमणको क्रममा एमाले अध्यक्षको हैसियतले पार्टी कार्यालयमा लगेर भव्य स्वागत गरेका गुरुङले असल राजनीतिक चरित्र प्रर्दशन गरेको भनेर सबैतिरबाट प्रशंसीत भएका थिए । लगतै एमाले अध्यक्ष केपी ओलीको दोलखा भ्रमणको क्रममा नेपाली कांग्रेसले गुरुङकै नीति अवलम्बन गर्दै ओलीलाई भव्य स्वागत गरेको थियो ।
प्रतिनिधि सभा सदस्यको लागि नेकपा एमाले दोलखाका शसक्त दावेदार पशुपति चौलागाई र आनन्दप्रसाद पोखरेललाई उछिनेर उम्मेदवार बनेका गुरुङलाई पार्टी भित्र शक्तिसाली नेताको रुपमा हेर्न थालिएको छ । एमाले भित्र पशुपति चौलागाई र आनन्दप्रसाद पोखरेल बीच बेला बेलामा राजनीतिक विवाद हुदा मध्यस्तता गर्ने गुरुङले एमालेबाट जनजाति नेताहरुले बिद्रोह गर्दा त्यसको कडा ढंगले प्रतिवाद गर्दै जनजाति नेता कार्यकर्तालाई एमालेमै राख्न उल्लेख्य भुमिका खेलेका थिए ।
प्रतिनिधि सभा निर्वाचनमा उनको प्रमुख प्रतिद्वन्द्वि नेपाली कांग्रेसका उम्मेदवार रुद्रबहादुर खड्कासंग उनको विशेष सम्बन्ध रहेको चर्चा समेत हुने गरेको छ । खड्का कांग्रेस सभापतिमा उठ्दा गुरुङले सघाएको र गुरुङ एमाले अध्यक्ष उठ्दा खड्काले सघाएको चर्चा समेत हुने गरेको छ । यो निर्वाचनमा पनि दुबै जनाले एक अर्कोलाई व्यक्तिगत रुपमा आलोचना नगर्ने सहमति गरेको दुबैका निकटतमहरुले बताउने गरेका छन् ।
१) दोलखा जिल्लामा विगतका दिनहरुमा एमाले र माओवादी केन्द्र बीच नै मुख्य प्रतिस्पर्धा थियो अहिले एकताबद्ध भएर अगाडि बढ्ने अवस्था छ त ?
– एमाले र माओवादी केन्द्र बीचको यो गठबन्धन अहिलेको निर्वाचनको लागिमात्र बनाईएको गठबन्धन हैन । यो मुलुकमा एउटामात्र कम्युनिष्ट पार्टी बनाउन सुरु गरिएको अभ्यासको एउटा रुप हो त्यसैले यो गठबन्धनमा एमाले र माओवादी केन्द्र दुबै पार्टीका नेता कार्यकर्ता इमान्दार पाईएको छ ।
२) माओवादीको १० बर्षे द्वन्द्व देखि दोलखामा एमाले र माओवादी कार्यकर्ता बीच राजनीतिक समस्या रहदै आएको छ, स्थानिय तहको निर्वाचनमा पनि एमाले र माओवादी केन्द्रको लडाईकै कारण एक युवाले ज्यान गुमाउनु प¥यो यस्तो अवस्थामा दुई दल बीच कसरी सहमति हुन सक्ला र ?
स्थानिय निर्वाचनको क्रममा दोलखाको जुँगुमा एमाले कार्यकर्ताको हत्या पछि परिस्थिति असहज भएको थियो । त्यो घट्ना अहिले अदालतमा पुगेकोले त्यसको बारेमा बोल्नु उपयुक्त हुदैन । तर अहिले घट्नाका पीडक र पीडित परिवारले कानुनी फैसला मान्ने सहमति साथ कम्युनिष्ट एकता र दोलखाको समृद्धिको लागि बाम गठबन्धनका उम्मेदवारलाई विजयी गराउन सक्रियताका साथ हातेमालो गर्दै अगाडि बढ्ने समझदारी गरेका छन् ।
जहाँसम्म १० बर्षे जनयुद्ध ताका एमाले र माओवादीको सम्बन्धको कुरा छ त्यो विषयमा उमालेले त्यतिबेलानै प्रतिवाद गरेको कुरा हो । र माओवादीलाई शान्तिपूर्ण राजनीतिमा ल्याउन एमालेले नै मुख्य भुमिका खेलेको हो । त्यसैले अब त्यो विषयलाई जोडिराख्नु आवश्यक हुदैन । नेपालमा सुरुमा एउटामात्र कम्युनिष्ट पार्टी थियो र अहिले एमाले माओवादी केन्द्रले एउटामात्र कम्युनिष्ट पार्टी बनाउने अभियान सुरु गरेको छ । यो बेला अन्य कुरामा अल्झिनु आवश्यक छैन । अबको आवश्यकता भनेको कम्युनिष्ट पार्टीहरुको एकता र मुलुकको समृद्धि तथा विकासमात्र हो ।
३) दोलखाको विकासको लागि तपाईको प्राथामीकता र एजेण्डा चाहि के के हुन नी ?
दोलखाको विकास र समृद्धिको लागि पहिलो प्राथामीकता पर्यटन नै हो । दोलखाको पर्यटकीय विकासको लागि जिल्लालाई शिक्षा, स्वास्थ्य र जलश्रोतको हव बनाउनु पर्छ । सदरमुकाम चरिकोटमा माउण्टेड फ्लाईटको लागि एयरर्पोट निर्माण गर्नु, कृषिको विकासको लागि आधुनिकीकरणसंगै अग्र्यानिक उत्पादनमा जोड दिनु, नेपाल चिन र भारत बीच ब्यापारीक मार्गको लागि उत्तर दक्षिण सडक निर्माण गर्नु मेरो प्राथमीकता हुन् ।
४) तपाईले गुण्डागर्दीलाई प्राथमीकता दिएको आरोप लागेको छ नी ?
म सधै शान्ति, स्थिरता र विकास चाहने मानिस हुँ । कसले के लेख्छ, कसले के भन्छ त्यो ठूलो कुरा हैन । म नीति र सिद्धान्तमा विश्वास गर्छु र मेरो लक्ष्य भनेको शान्ति, स्थिरता र विकास नै हो । मैले गुण्डागर्दीलाई प्राथामीकता दिएको भनेर कांग्रेसको जुन नेताले आरोप लगाए भन्ने समाचार आएको थियो त्यसको खण्डन कांग्रेसका तीनै नेताले गरिसकेका छन् । त्यसैले यसको बारेमा धेरै भनिराख्नु आवश्यक ठान्दिन ।