मेलुङ गाउँपालिकामा रुखबाट लड्दा एकको ज्यान गयो

चरिकोट (दीस) – दोलखाको मेलुङ गाउँपालिका वडा नम्बर १ पवटिमा घाँस काट्ने क्रममा रुखबाट लड्दा एकको ज्यान गएको छ ।  मृत्यु हुनेमा पवटि स्थित अमालेका ६० वर्षिया मान बहादुर उप्रेति रहेका छन् । उनको घटनास्थलमै मृत्यु भएको स्थानीयले बताएका छन् । आज दिउँसो आफ्नै घर नजिकै रहेको कुट्मीरेको घाँस काट्न गएका उप्रेतिको शव दिउँसो करिव साँढे ३ बजे फेला परेको मेलुङ गाउँकार्यपालिका सदस्य सबिना भण्डारीले जानकारी दिइन ।
दोलखाका प्रहरी प्रवक्ता प्रहरी निरीक्षक अन्जन कोइरालाले घटना स्थलमा प्रहरी टोली पुगिसकेको जानकारी दिए र । मृतकको शव पोष्टमार्टमका लागी आजै सदरमुकाम चरिकोट स्थित शव गृहमा ल्याउने तयारी भइरहेको छ ।