मेलुङ गाउँपालिकामा मोटरसाईकल दुर्घटना हुँदा एकको मृत्यु, चालक गम्भिर घाइते

दीक्षण समाचार
चरिकोट, पुस ६
दोलखाको मेलुङ गाउँपालिका–३ मा मंगलबार दिउँसो मोटरसाईकल दुर्घटना हुँदा एक जनाको घटनास्थलमै मृत्यु भएको छ । गोलेगाउँबाट शैलुङ गाउँपालिकातर्फ आउँदै गरेको बा ६१ प १७०३ नम्बरको मोटरसाईकल दुर्घटना हुँदा मोटरसाइकलमा सवार शैलुङ गाउँपालिका–८ का अन्दाजी ६० बर्षीय डम्बर थपलियाको मृत्यु भएको हो । मोटरसाइकल चालक अन्दाजी ४४ वर्षीय मोहनबहादुर थपलिया गम्भिर घाईते हुनुभएको प्रहरी कार्यालय दोलखाले जनाएको छ । उहाँलाई उपचारका लागि काठमाडौँ लगिएको छ । मोटरसाईकल अनियन्त्रित भई सडकबाट करिब ७० मिटर तल खसेको कार्यालय प्रमुख प्रहरी नायव उपरिक्षक भेषराज रिजालले जानकारी दिनुभयो । घटनाको विषयमा थप अनुसन्धान भईरहेको उहाँले बताउनुभयो ।