मेलुङ्ग गाउँपालिकामा भलिबल प्रतियोगिता हुँदै

राजकुमार भुजेल
चरिकोट, चैत्र ८
प्रथम अखिल क्रान्तिकारी कप २०७८ मेलुङ्ग गाउँपालिका स्तरीय भलिबल प्रतियोगिता हुने भएको छ । अखिल (क्रान्तिकारी) मेलुङ गाउँ कमिटीको आयोनजामा चैत्र ११ र १२ गते पालिका स्तरीय पुरुष भलिबल प्रतियोगिता हुन लागेको हो । डाँडाखर्क माध्यमिक विद्यालयको खेलमैदानमा सञ्चालन हुने प्रतियोगिताको उद्घाटन बागमती प्रदेशका सांसद एवं वन तथा वातावरण मन्त्री विशाल खड्काले उद्घाटन गर्नुहुने कार्यक्रम तय भएको आयोजक समितिका अध्यक्ष उमेश भण्डारीले बताउनुभयो । प्रतियोगितामा विजेता समूहलाई १५ हजार, उपविजेतालाई १० हजार र तृतीय हुने समूहलाई ६ हजार नगदसहित शिल्ड, मेडल र प्रमाणपत्रको व्यवस्था रहेको उहाँले सुनाउनुभयो । उहाँका अनुसार प्रतियोगितासँगै सांस्कृतिक कार्यक्रम पनि हुने छ ।