ईस्वर दहाल
हरेक बिहान
सुनौलो बिहानि सगै जन्मिन्छन
नयाँ नयाँ जिवनका आयामहरु
आमाले घाँसको भारी गोठमा
बस्तु बाख्राहरुलाइ पन्छाएर
लामो, लामो थकानको सुस्केरामा
धर्तिमा कर्कस चिच्याहट सँगसँगै जन्मिएको म
मलाई हेरेरमात्र आँशुका थोपाहरु
वर्षिएर लामो सुस्सकेरामा आखाँ
टोलायको दिन ।
आज मेरो जन्मदिन भन्ने
हिस्सा मलाई सुम्पेको दिन
विगतका वाल्यपनमा फर्कन सुम्पेको दिन
आमा आफु हासेर मेरो रुवाइमा खुसि भएको दिन ।
सारा दु:ख लाई मेरो रुवाइ र हासोमा
आफ्नो अोठ खुलाइ
काखमा खुसिको उमङ्गमा शास फेरेको दिन ।
आज
उमेरका खुड्किलाहरुमा बामे सर्दै गर्दा
प्रत्येक पल पलमा तिमिलाइ सम्झन्छु ।
भोकमा पेट निमठदा गुन्द्रुक र ढिढो सम्झन्छु ।
ओछ्यानमा ढाड र सिरानी नमिल्दा
तिम्रो कोमल काख समझन्छु ।
म नाताकत भएर ओछ्यानमा पल्टिँदा
सुत्केरीमा तिमिलाइ ताकत भर्न
बाँ ले बनाएको ज्वानोको झोल सम्झिन्छु ।
प्रत्येक पलपलमा हरक्षेण म तिमलाइ सम्झिन्छु
आज जन्मदिन रक्ताम्य तिम्रो फरिया
सँगसँगै आफ्नो आयुको बाजि थामेर
मेरालागि दिर्घायुको कामना
हरक्षण समझन्छु
आज मेरो जन्मदिन
म तिमिलाइ समझन्छु आमा !!
Be the first to comment on "मेरी आमाले सुम्पेको दिन"