मिलीजुली कालिञ्चोक बचत तथा ऋण सहकारीको स्थापना दिवसमा रक्तदान

ईश्वर बिश्वकर्मा/ चरिकोट –मिलीजुली कालिञ्चोक बचत तथा ऋण सहकारी संस्था लिमिटेडको २९ औँ दिवसको अवसरमा सोमबार रक्तदान कार्यक्रम सम्पन्न भएको छ । रक्तसञ्चार केन्द्रको सहकार्यमा चरिकोटमा आयोजित कार्यक्रममा सहकारीकर्मी सहित १७ जनाले रक्तदान गरेको सहकारीका व्यवस्थापक ईश्वर न्यौपानेले जानकारी दिनुभयो । कोरोनाको महामारीमा रक्तदान कार्यक्रमहरु हुन नसक्दा रक्तसञ्चार केन्द्रमा रगत अभाव हुन थालेको छ । रगत अभावमा बिरामी तथा सुत्केरीको ज्यान खतरामा पर्दछ । यही अवस्थालाई मध्यनजर गरी सहकारीको स्थापना दिवसमा रक्तदान कार्यक्रमको गरिएको व्यवस्थापक न्यौपानेले बताउनु भयो । सहकारीको स्थापना दिवसको अवसरमा सम्मान गरिने व्यक्ति तथा संस्थाहरुको नाम समेत घोषणा तथा सार्वजनिक गरिएको छ ।