माओवादी केन्द्रको केन्द्रीय सदस्यमा दोलखाका ४ जना चयन

चरिकोट (दीस) –नेकपा माओवादी केन्द्रको केन्द्रीय सदस्यमा दोलखाबाट ४ जना चयन हुनु भएको छ । काठमाडौमा भएको आठौ महाधिवेशनबाट दोलखाबाट देबी खड्का , गंगा कार्की , मुक्ति प्रधान र नविन जिरेल केन्द्रीय सदस्यमा चयन हुनु भएको हो । खड्का , कार्की , प्रधान यस अघि नै केन्द्रीय सदस्य हुनुहुन्थ्यो । जिरेल यो महाधिवेशनबाट केन्द्रीय सदस्यमा चयन हुनु भएको हो । नेकपा माओवादी केन्द्रको अध्यक्षमा पुष्पकमल दाहाल प्रचण्ड चयन हुनु भएको छ । केन्द्रको नवनिर्वाचित केन्द्रीय कमिटीको बैठकले प्रचण्डलाई अध्यक्षमा चयन गरेको हो ।प्रचण्डलाई अध्यक्षको रुपमा चयन गर्न नारायणकाजी श्रेष्ठले प्रस्ताव गर्नु भएको थियो सो प्रस्तावमा कृष्णबहादुर महाराले समर्थन गर्नु भएको थियो ।