भ्यान दुर्घटनामा पोलमा क्षतिको कारण जिरी नगरपालिका र वैत्यश्वर गाउँपालिका अन्धकार

चरिकोट– लामोसाँघु–जिरी सडक अन्र्तगत वैत्यश्वर गाउँपालिकाको खावामा सडकखण्डमा भ्यान दुर्घटना भएको छ । दुर्घटना भएको भ्यानले विद्युतीय पोल र तारमा क्षति पुगेपछि सो क्षेत्रमा विद्युत आपुर्ति रोकिएको छ । ना ४ ख ४९४० नम्वरको भ्यान साईड दिने क्रममा सडक भासिएर करिव ५० मिटर तल खसेको स्थानीयले बताएका छन ।
भ्यान पल्टिने क्रममा विद्युत प्राधिकरणको ३३ केवी प्रशारण लाईन माथि परेको थियो । भ्यान ३३ केवी प्रशारण लाईन माथि पर्दा तार चुँडिनुका साथै चार वटा विद्युतीय पोलमा क्षति पुगेको छ । निकै लामो दुरीसम्म तार चँडिनुका साथै दुई वटा पोल कामै नलाग्ने गरि क्षतिग्रस्त भएपछि तामाकोशी सव स्टेशन मार्फत विद्युत आपुर्ति हुने जिरी नगरपालिका र वैत्यश्वर गाउँपालिका अन्धकार भएको छ ।
भ्यान दुर्घटना हुँदा प्रशारण लाईनमा क्षति पुगेपछि तामाकोशी स्थित विद्युत सव स्टेशनमा रहेको ट्रान्समिटरमा समेत क्षति पुगेको नेपाल विद्युत प्राधिकरण दोलखा वितरण केन्द्रले जनाएको छ । क्षतिग्रस्त विद्युत प्रशारण लाईन निर्माण गर्न एकरदुई दिन लाग्ने भएकाले जिरी र वैतेश्वरमा तत्काल विद्यतु आपुर्ति हुन सक्ने सम्भावना नरहेको नेपाल विद्यतु प्राधिकरण दोलखा वितरण केन्द्र दोलखाले जनाएको छ।