भीमेश्वर बहिरा प्राविमा झोला वितरण

दीक्षण समाचार
चरिकोट, फागुन १०
एसएस फाउन्डेसनले बुधबार भीमेश्वर बहिरा प्राथमिक विद्यालयका विद्यार्थीहरुलाई झोला वितरण गरेको छ । भीमेश्वर नगरपालिका–३ देउरालीडाँडामा अवस्थित सो विद्यालयका ३८ जना विद्यार्थीलाई एक समारोहका बीच झोला वितरण गरिएको हो । किताब, कापी बोक्न समस्या नहोस् भनेर विद्यार्थीहरुलाई एक वटाको दरले झोला वितरण गरिएको फाउन्डेसनका संस्थापक शोभित उप्रेतीले बताउनु भयो । झोला वितरणले विद्यार्थीहरुलाई पढाईमा थप हौसला र प्रोत्साहन मिल्ने उहाँको भनाई थियो । फाउन्डेसनले विभिन्न समयमा विद्यार्थीहरूका लागि आवश्यक सामग्रीहरू वितरण गर्दै आइरहेको छ । सोही कार्यको निरन्तरता स्वरुप भीमेश्वर बहिरा प्राविमा झोला वितरण गरिएको हो ।