भक्तपुरमा बसको ठक्करबाट दोलखाकी एक महिला मृत्यु

काठमाडौ – भक्तपुरकाे अरनिको राजमार्ग खण्डअन्तर्गत सूर्यविनायक नगरपालिका–९ नलिन्चोक बाँसघारीमा बसको ठक्करबाट दोलखाकी एक महिला मृत्यु भएको छ । दुर्घटनामा परी दोलखाको गौरीशंकर गाउँपालिकाकी ४० वर्षिया गंगा बस्नेतको मृत्यु भएको हो । बनेपाबाट काठमाडौँतर्फ गइरहेको बा५ख ३०२० नंको यात्रुवाहक बसले बा७०प ९१३८ नंको मोटरसाइकललाई ठक्कर दिँदा मोटरसाइकलमा पछाडि सवार दोलखा गौरीशङ्कर गाउँपालिका–२ घर भई हाल नलिन्चोक बस्ने ४० वर्षीया बस्नेतको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिनुभयो ।ठक्कर दिने बसका चालक काभ्रेलाञ्चोक बनेपा नगरपालिका–९ बस्ने ४१ वर्षीय रविन श्रेष्ठ र बसलाई नियन्त्रणमा लिएर महानगरीय प्रहरी वृत्त जगाती भक्तपुरमा राखेको उहाँले जानकारी दिनुभयो ।