बोचमा घाइते भएका युवकको मृत्यु

चरिकोट (दीस) ः जिल्लाको भीमेश्वर नगरपालिका वडा नं ८ बोचमा घाइते अबस्थामा फेला परेका एक युवक मृत्यु भएको छ । सोमबार राति चरिकोट – काठमाडौं सडकखण्ड बोचमा घाइते अबस्थामा राति १ बजे फेला परेका २५ वर्षिय सोनाम तामाङको सदरमुकाम चरिकोट स्थित पशुपति चौलागाईं स्मृति अस्पतालमा उपचारको क्रममा मृत्यु भएको हो ।
तामाङ बा ८४ प १११३ नम्बरको मोटरसाइकलसँगै दुर्घटनाग्रस्त अवस्थामा फेला परेका थिए । प्रहरीले दुर्घटना नभई तामाङको झडपका क्रममा मृत्यु भएको आशंका गरेको छ । सो घटनामा संम्लग्न भएको आसंकामा ४ जनालाई पक्राउ गरी अनुशन्धान गरिरहेको जिल्ला प्रहरी कार्यालय दोलखाले जनाएको छ ।