बैतेश्वर गाउँपालिकाद्वारा भूउपयोग क्षेत्र वर्गीकरण

चरिकोट(दीस) ः बैतेश्वर गाउँपालिकाले भूउपयोग क्षेत्र वर्गीकरण गरेको छ । बुधवार वसेको स्थानीय भूउपयोग परिषदको बैठकले भूउपयोग क्षेत्र बर्गीकरण गरेको हो । बुधवार गाउँपालिकाका अध्यक्ष छवि लामाको अध्यक्षतामा बसेको स्थानीय भूउपयोग परिषदको बैठकले भूउपयोग क्षेत्र वर्गीकरण गरेको बैतेश्वर गाउँपालिकाका प्रमुख प्रशासकीय अधिकृत ऋषिराम ज्ञावलीले जानकारी दिनुभयो । भूउपयोग ऐन २०७६ तथा भूउपयोग नियमावली २०७९ अनुसार गाउँपालिका क्षेत्र भित्रको भूउपयोग क्षेत्र वर्गीकरण गरिएको अधिकृत ज्ञावलीको भनाई छ ।