पशुपति स्मृति सहकारीता पुरस्कार २०७९ बाट लामा सम्मानित

चरिकोट –दोलखा जिल्ला बचत तथा ऋण सहकारी संस्थाको २४ औँ बार्षिक साधारण सभा तथा स्थापना दिवसको अवसरमा नेपाल पत्रकार महासंघ दोलखा शाखाका पूर्व अध्यक्ष एवं कालिञ्चोक सामुदायिक एफएमका स्टेशन मेनेजर जिवन लामालाई मंगलवार पुरस्कृत गरिएको छ ।
लामालाई संस्थाले पहिलो पटक स्थापना गरेको पशुपति स्मृति सहकारीता पुरस्कार २०७९ बाट पुरस्कृत गरिएको हो । यस बर्षको उत्कृष्ट व्यवस्थापक रुपमा संघले जनमुखी साकोसका व्यवस्थापक भेजराज मिजारलाई सम्मान गरेको छ । कार्यक्रममा सहकारी क्षेत्रमा काम गर्ने सहकारी , व्यवस्थापक र संन्चारकर्मीलाई सम्मान गरेकोे थियो ।दोलखा जिल्ला बचत तथा ऋण सहकारी संस्थाका अध्यक्ष भुमिराज खड्काको अध्यक्षतामा सम्पन्न कार्यक्रममा बागमति प्रदेश बचत तथा ऋण सहकारी संस्थाका अध्यक्ष उद्धबप्रसाद सापकोटा, बागमति प्रदेश बचत तथा ऋण सहकारी संस्थाका महासचिव जिवसराज खड्का, सहकारी अभियन्ता यज्ञराज ढुंगेल, नेपाल पत्रकार महासंघ दोलखाका अध्यक्ष दिपशंकर चौलागाई, दोलखा जिल्ला बचत तथा ऋण सहकारी संस्थाका पूर्व अध्यक्ष रामदास श्रेष्ठ, संस्थाका उपाध्यक्ष जगतप्रसाद सुवेदी लगायतले मन्तव्य व्यक्त गर्नु भएको थियो ।