बागमती प्रदेश युवा परिषद्ले सिपमूलक तालिम संञ्चालन गर्ने

चरिकोट(दीस)ः बागमती प्रदेश युवा परिषद्ले सिपमूलक तालिम सञ्चालन गर्ने भएको छ । चालु आर्थिक वर्षको परिषद्को स्वीकृत कार्यक्रम अनुसार युवा परिषद्ले युवा लक्षित सिपमूलक कार्यक्रम सञ्चालन गर्ने भएको हो ।
परिषद्को स्वीकृत कार्यक्रम अनुसार युवा लक्षित सिपमूलक कार्यक्रम सञ्चालन गर्न लागिएको बागमती प्रदेश युवा परिषद्का कार्यालय प्रमुुख शारदा कुमारी मैनालीले जानकारी िदनुभयो । स्थानीय तहहरुको भौगोलिक अवस्था अनुसार कुन ठाउँका लागि कस्ता तालिम उपयुक्त हुने भन्ने सन्दर्भमा बागमती प्रदेश भित्रका स्थानीय तहरुबाट सुझाव संकलन गरि तालिमको प्रकार निर्धारण गरिने उहाँको भनाई रहेको छ । बागमती प्रदेशका ११९ वटै स्थानीयतहबाट उपयुक्त हुने तालिमका लागि सुझाव मागिएको बागमती प्रदेश युवा परिषद्ले जनाएको छ ।