बनतरुल खन्दा दोलखामा एक ज्येष्ठ नागरिकको मृत्यु

पुस २९, चरिकोट । माघे संक्रान्तीको लागि बनतरुल खन्ने क्रममा ढिस्कोले पुरिँदा दोलखामा एक ज्येष्ठ नागरिकको मृत्यु भएको छ ।

मंगलबार दिउँसो करिब २ बजे बनतरुल खन्ने क्रममा ढिस्कोले पुरिँदा भीमेश्वर नगरपालिका–२, डोक्थलीका ८० बर्षिय बिरबहादुर थामीको मृत्यु भएको हो ।

वनतरुल खन्ने खाल्टोमा माथिबाट ढुङ्गा खसी सोही ढुङ्गाले थिचेर मृत अवस्थामा मृतकको भतिजा डबल थामीले भेटेर प्रहरीलाई खबर गरेका थिए ।

माघे संक्रान्तीको लागि बनतरुल खन्न भनि घरभन्दा करिब एककिलोमिटको दुरीमा रहेको जंगलमा गएकोमा थामीलाई मृत अवस्थामा भेटिएको दोलखाकी प्रहरी निरीक्षक रुक्शा बज्राचार्यले जानकारी दिइन् ।

मृतकको लास पोष्टमार्टमको लागि प्राथमिक स्वास्थ्य केन्द्र चरिकोटमा राखिएको छ । घटना बारे थप अनुसन्धान भइरहेको निरीक्षक बज्राचार्यले जानकारी दिइन् ।