चरिकाेट, अनिल दहाल -बचत तथा ऋण सहकारी संघकाे केन्द्रीय छाता संघ नेपाल बचत तथा ऋण केन्द्रीय सहकारी संघ (नेफ्स्कून)ले याे बर्षको पत्रकारीता पुरुस्कार सहकारी खबर डटकमका सम्पादक काजी श्रेष्ठलाई प्रदान गरेको छ । नेफ्स्कूनले श्रेष्ठलाई मंसिर ५ गते सम्पन्न २९ औं वार्षिक साधारण सभाको अवसरमा ‘नेफ्स्कून पत्रकारिता पुरस्कार’ बाट सम्मानित गरेको हो । संघले अाफ्नाे स्थापना दिवश गत साउन ३२ गते साे पुरस्कार घोषणा गरेको थियो। पत्रकारिताका माध्यमबाट सहकारी क्षेत्रका सूचना र गतिविधिहरुलाई सदस्य, सञ्चालक एवं सरोकारवाला निकायहरु समक्ष उचित स्थानका साथ सम्प्रेषण कार्यमा संलग्न पत्रकारलाई संघले सम्मानित गर्दै आएको छ । उहाँ हाल सहकारी टिभिका पनि सम्पादक हुनुहुन्छ । साधारणसभाको अवसरमा आयोजित कार्यक्रममा प्रमुख अतिथि राष्ट्रिय सहकारी महासंघका अध्यक्ष मिनराज कडेलले सम्पादक श्रेष्ठलाई प्रशंसापत्र सहित सम्मानित गर्नुभएको हो ।
पत्रकारीता पुरुस्कार श्रेष्ठलाई प्रदान
Be the first to comment on "पत्रकारीता पुरुस्कार श्रेष्ठलाई प्रदान"