दोलखामा २ जनामा संक्रमण पुष्टि

दीक्षण समाचार÷ चरिकोट, –दोलखामा आइतबार दुई जनामा कोरोना संक्रमण पुष्टि भएको छ । स्वास्थ्य कार्यालयले आद्यवधिक गरेको तथ्याङ्कअनुसार जिरी नगरपालिकाका एक महिला र एक पुरुषलाई कोरोना संक्रमण भएको हो । एन्टिजेन प्रविधिबाट गरिएको परीक्षणमा उहाँहरुलाई कोरोना संक्रमण देखिएको कार्यालयले जनाएको छ । उहाँहरु दुबै जना होम आइसोलेसनमा आराम गरी बस्नुभएको छ । यसअघिका संक्रमित सबै जना निको हुनुका साथै नयाँ संक्रमित फेला नपरेपछि दोलखा एक महिनादेखि कोरोना संक्रमण मुक्त भएको थियो ।।