दोलखामा मंगलबार १ सय ७ जना संक्रमित निको भए

दीक्षण समाचार
चरिकोट, माघ २५
दोलखामा मंगलबार कोरोना संक्रमित हुनेको तुलनामा संक्रमण मुक्त हुने धेरै भएका छन् । मंगलबार २० जनामा मात्र संक्रमण पुष्टि भएको छ भने १ सय ७ जना संक्रमित मुक्त भएका छन् । स्वास्थ्य कार्यालयका अनुसार भिमेश्वर नगरपालिकाबाट १३ पुरुष ११ महिला, शैलुङ गाउँपालिकाबाट २ पुरुष २ महिला, तामाकोशी गाउँपालिकाबाट १७ पुरुष, १८ महिला, विगु गाउँपालिकाबाट ३ परुष २ महिला, वैतेश्वर गाउँपालिकाबाट १८ परुष २१ महिला रहेका छन् । जिल्लामा पछिल्लो समय निको हुने संक्रमितको संख्या बढ्दै गएको कार्यालयले जनाएको छ । मंगलबार चरिकोट अस्पातलमा ४ जना को पि.सि.आर परिक्षण गरिएकोमा सबै नेगेटिभ आएको छ । पालिकाहरुमा ३४ जनाको एन्टिजेन परिक्षण गरिएकोमा २० जना नयाँ सक्रमित थपिएका छन् । जसमा कालिन्चोक गाउँपालिकामा १ पुरुष २ महिला, भिमेश्वर नगरपालिकामा ३ पुरुष २ महिला, तामाकोशी गाउँपालिकामा ७ महिला, जिरी नगरपालिकामा १ पुरुष ६ महिला रहेका छन् ।