दोलखामा नेकपा (एकीकृत समाजवादी )को पार्टी कार्यालय स्थापना

चरिकोट (दीस) –नेपाल कम्युनिष्ट पार्टी (एकीकृत समाजवादी)ले दोलखामा औपचारिक रुपमा पार्टी कार्यालय संचालनमा ल्याएको छ । समाजवादीले शनिवारबाट चरिकोटको नयाँ बसपार्कमा कार्यालय संचालनमा ल्याएको हो । कार्यालयको नेकपा समाजवादीका नेता डाक्टर विजय पौडेलले उद्धघाटन गर्नु भएको हो । शनिबार नै समाजवादीले सदरमुकाम चरिकोटमा २ सय ५१ सदस्यीय जिल्ला कमिटीको शपथ ग्रहण गरेको छ । कार्यक्रममा नेता पौडेलले कार्यक्रतालाई जनताको हितमा काम गर्न निर्देशन दिनु भएको थियो । पाटीको कार्यदिशा समाजबाद तिर उन्मुख हुने उहाँको भनाई रहेको छ । कार्यक्रममा नेता शिब भण्डारीले जनताको पक्षमा काम गर्न नेता कार्यक्रतालाई आग्रह गर्नु भएको थियो । “हतोसाहित नभई काम गर्नु होस, हामी नयाँ विचार सहित क्रान्तिकारी पाटी निर्माण अभियानमा छौ ” नेता भण्डारीले भन्नु भयो ,जोस जाँगर साथ लाग्नु होस ।
कार्यक्रममा बोल्दै पाटीका अध्यक्ष भीम दहालले पाटी नयाँ अभियान सहित जनतामा जाने बताउनु भयो । आगामी दिनमा पालिका स्तरीय कमिटी तथा वडा समिति समेत विस्तार गरिने सचिब प्रोण प्रताप के.सीले बताउनु भयो । कार्यक्रममा उपाध्यक्ष भुवन के.सी युवासंघका केन्द्रीय उपमहासचिब असोक दहाल , अनेरास्ववियु कल्याण दहाल लगायतले मन्तब्य राख्नु भएको थियो ।