दोलखाबाट प्रतिनिधिसभा सदस्यमा नेकपा माओवादी केन्द्रका गंगा कार्की विजयी

चरिकोट, दोलखाबाट प्रतिनिधिसभा सदस्यमा नेकपा माओवादी केन्द्रका गंगा कार्की निर्वाचित हुनु भएको छ । एमाले उम्मेदवार बालकृष्ण शिवाकोटीलाई तीन सय १७ मतले पछि पार्दै कार्की निर्वाचित हुनु भएको हो । सोमबार बिहान सम्पन्न मतगणनाको परिणाम अनुसार कार्कीले ३६ हजार ७ सय ९९ मत प्राप्त गर्नु भएको छ। उहाँका निकटतम प्रतिद्वन्द्वी शिवाकोटीले ३६ हजार ४ सय ८२ मत प्राप्त गर्नु भएको छ। जिल्लाको प्रदेश (क) मा नेपाली कांग्रेसका कुन्दन राज काफ्ले र (ख) नेकपा एमालेका भरत केसी निर्वाचित हुनुभएको छ। मंसिर ४ गते देशभर एकैसाथ निर्वाचन सम्पन्न भएपनि दोलखाको १० मतदान केन्द्रमा निष्पक्ष र स्वतन्त्र मतदान नभएको उजुरीपछि १५ गते पुनः मतदान भएको थियो।‌