दाेलखामा पसल दिनमा दुई सत्रमा चलाउन सिफारिस

चरिकोट (दीस) –दोलखामा कोभिड– १९ को जोखिम कम गर्न पसल दिनमा दुई सत्रमा चलाउन सिफारिस गरिएको छ। आज बसेको संकट व्यवस्थापन समिति दोलखाको बैठकले भीडलाई कम गर्न बजार क्षेत्रमा २ सत्रमा पसलको प्रकृति हेरर २ क्षेत्रमा बिभाजन गरेर पसल खोल्न दिन जिल्ला विपद्ध व्यवस्थापन समितिलाई सिफारिस गरेको जिल्ला समन्वय समिति दोलखाका प्रमुख डबल पाण्डेले जानकारी दिए । उनका अनुसार बिहान १० बजे सम्म खाद्यान्न ,तरकारी पसल, फलफुल ,कृषिको सामाग्रीको खोल्न दिने निर्णय प्रस्ताब गरिएको छ । निर्माण सामाग्रीका पसल तथा फेन्सीका पसल ,सिलाई तथा गै¥ह खाद्यान्नका बिहान १० बजे देखि बेलुका ५ बजेसम्म खोल्ने दिने सिफारिस गरिएको पाण्डेले बताए।बैठकले फुटपाथको सडक तत्काल हटाउने निर्णय गरेकाे छ ।त्यसैगरी बैठकले चरिकोट बजार क्षेत्रमा मालबाहक सबारी साधन सिंगटी लामाबगर राजमार्ग प्रयोग गर्नु पर्ने निर्णय गरेको प्रमुख पाण्डेले बताए । कोभिड १९ को सुरक्षामा पालना गर्नु पर्ने उपायको सबैले पसल तथा नागरिकले गर्नु पर्ने सो पालन नभएमा त्यस्ता व्यक्तिलाई ब्यक्तिलाई प्रहरीले जरिवाना गर्ने पनि बैठकले निर्णय गरेको छ । दोलखामा पछिल्लो कोरोना संक्रमण बढेसँगै यो प्रस्ताब गरिएको पाण्डेले जानकारी दिए ।