दाेलखाका थप ४ जनामा काेराेना संक्रमण

चरिकोट, दीस– दाेलखामा थप ४ जनामा काेराेना संक्रमण भएको छ ।अाज दाेलखाकाे गाैरीशंकर गाउँपालिकाका १४१मा गरिएको पिसिअार टेष्टमा अाएकाे रिपोर्टमा २ जना महिला र २ जना पुरूषमा काेराेना संक्रमण भएको स्वास्थ्य कार्यलय दाेलखाले जनाएको छ।

गतहप्ता मात्र ७ जनामा कोरोना संक्रमण देखिएपछि गरिएको कन्ट्याक्ट ट्रेसिङले थप ४ जनामा कोरोना संक्रमण भेटिएको हो ।

७ जनाको सम्पर्कमा पुगेका १४१ जनाको स्वाब परीक्षण गर्दा २ महिला र २ पुरुष गरी थप ४ जनामा कोरोना संक्रमण देखिएको स्वास्थ्य कार्यालय दोलखाका प्रमुख विभुकुमार झाले जानकारी दिए ।

जिल्ला भित्रैबाटै संकलित स्वाबमध्येबाट कूल १५ संक्रमित भएकामध्ये ४ महिलासहित १३ जना गौरीशंकर गाउँपालिकाकै रहेका छन् ।
हालसम्म जिल्लाका करिब एकहजार जनामा पीसीआर परीक्षण गर्दा ४ महिलासहित १५ जनामा कोरोना संक्रमण देखिएको छ ।

सबैभन्दा सुरुमा सोही गाउँपालिकामा तेस्रो मुलुकबाट आएका एकमहिला र एकपुरुषमा संक्रमण देखिए पछि काठमाण्डौंमा उपचारपछि घर फर्किएका छन् भने भीमेश्वर नगरपालिकाको क्वारेन्टाइनमा रहेको एक पुरुष पनि उपचारपछि घर फर्किएका थिए ।