त्रैमासिक समिक्षा कार्यक्रम सम्पन्न

चरिकोट(दीस)ः जिल्ला समन्वय समिति दोलखाको आयोजनामा चालु आर्थिक वर्षको पहिलो र दोस्रो त्रैमासिककको समिक्षा कार्यक्रम सम्पन्न भएको छ । सोमबार सो समिक्षा कार्यक्रम सम्पन्न भएको हो । कार्यक्रममा संघीय, प्रदेश सरकार अन्तरगतका कार्यालयहरु तथा स्थानीय तहहरुबाट सञ्चालन भएका बजेट तथा कार्यक्रमहरुको समिक्षा गरिएको जिल्ला समन्वय समिति दोलखाको समन्वय अधिकारी रामप्रसाद पोखरेलले जानकारी दिनुभयो । समिक्षा कार्यक्रममा राष्ट्रिय सभा सदस्य घनश्याम रिजाल, बागमती प्रदेश सभा सदस्यहरु मोनिका श्रेष्ठ,ठुला थामी तथा स्थानीय तहका प्रमुख उपप्रमुख, प्रमुख जिल्ला अधिकारी, स्थानीय तहका प्रमुख प्रशासकीय अधिकृतलगायतको उपस्थिति रहेको थियो